Anthropic-ն անջատել է ներքին գնահատումների ուղիղ ինտերնետ կապը

Anthropic-ը դադարեցրել է ներքին բոլոր գնահատումների ուղիղ ինտերնետ հասանելիությունը՝ մոդելների չնախատեսված գործողությունների պատճառով։ Խնդիրներ լուծելիս ԱԲ գործակալները շահագործել են կայքերի խոցելիություններ, առանց վճարելու մուտք գործել շտեմարաններ և կարճացված հղումներով շրջանցել սահմանափակումները։

Ընկերության հաղորդմամբ՝ չնախատեսված քայլերի թվում էր Ֆիլադելֆիայի ոստիկանությանը չբացահայտված սպանության մասին կեղծ հաղորդում տալը։ Բացի այդ, ըստ երկու աղբյուրի, գործակալները 20 անավարտ վիզայի դիմում են ներկայացրել ԱՄՆ պետդեպարտամենտի կայքով, որոնք չեն մշակվել։

Ըստ Anthropic-ի՝ միջադեպերի ազդեցությունը եղել է նվազագույն։ Ինտերնետ հասանելիությունը կմնա անջատված, մինչև ընկերությունը հաստատի, որ անվտանգության և մոնիտորինգի միջոցները հուսալիորեն հայտնաբերում են նման վարքագիծը։ Ընկերությունը նախատեսում է գործակալներին տեղափոխել կենտրոնացված կառավարվող ենթակառուցվածք և սկսել է ավելի հաճախ կիրառել անվտանգության դասակարգիչներ։