Google-ը Gemini-ում ներկայացրել է Skills գործիքը, որը կփոխարինի Gems-ին

Google-ը Gemini չաթում գլոբալ հասանելի է դարձնում Skills ֆունկցիան։ Այն թույլ է տալիս մեկ անգամ գրանցել հաճախ օգտագործվող հրահանգները և հետագայում ակտիվացնել դրանք հարցման տողում «/» նշանը գրելով։

Նոր գործիքն աստիճանաբար փոխարինելու է Gems-ին։ Skills-երում հնարավոր է կցել տեքստային ֆայլեր, PDF-ներ կամ նկարներ, ինչպես նաև միաժամանակ միացնել մի քանի տարբեր հմտություններ։ Գոյություն ունեցող Gems-երը կվերածվեն հմտությունների ավտոմատ կերպով։ Անձնական հաշիվների դեպքում Gems-ի աջակցությունը կդադարի այս նոյեմբերին, իսկ Workspace բիզնես և կրթական բաժանորդների համար՝ 2027 թվականին։ Առաջիկա շաբաթներին գործառույթը հասանելի կդառնա նաև Workspace-ի հաճախորդներին։