Microsoft-ը ներկայացրել է Maia 300 AI չիպը. արտադրության մեջ այն կներդրվի 2027 թվականից

Microsoft-ը ներկայացրել է սեփական Maia 300 AI չիպը, որը արտադրությունում կներդրվի 2027 թվականից։ Ընկերության ակնկալիքով՝ այն առաջատար GPU համակարգերի համեմատ կապահովի 40 տոկոսով ավելի շատ թոքեն մեկ մեգավատի հաշվով։ Իսկ 96 արագացուցիչով համակարգում Maia 300-ը Maia 200-ի համեմատ ապահովում է դարակաշարի մակարդակով թոքենների մինչև 7 անգամ ավելի մեծ թողունակություն։

Չիպը կառուցված է TSMC-ի N2P տեխպրոցեսով, ունի 288 ԳԲ HBM4 հիշողություն և 950 վատտ հզորություն։ Microsoft-ը ծրագրում է 2027 թվականից Azure Maia ընտանիքը դարձնել իր արտադրանքների ԱԲ ինֆերենսի հիմնական համակարգը՝ հասցնելով բազմագիգավատտային ծավալի։ Ըստ The Verge-ի՝ այս արդյունավետությունը շուտով թույլ կտա հիմնականում հենվել սեփական չիպերի վրա՝ Nvidia-ի և AMD-ի փոխարեն։